GE-p Center for Cybersikkerhed (CFCS) suleqatigalugu internetikkut isumannaallisaanermut ulorianartunillu aqutsinermut tunngasunik ataatsimiigiaqqusivoq.
CFCS Naalagaaffeqatigiinnerup digitaliusup isumannaatsuunissaa sulissutigaarput. Oqartussat suliffeqarfiillu internetikkut saassussinernut pinaveersaartitsinermi, akiuinermut illersornissamullu ikiortarpavut. CFCS aarlerinartut pillugit aamma aaqqissuussaanikkut teknikkikkullu iliuusissanik isumannaallisaanermik annertusaaqataasunik siunnersuisarpoq. Ajutoortoqartillugu oqartussat suliffeqarfiillu inuiaqatigiinnut pingaarutilinnik suliaqartut CFCS-imut attaveqarsinnaapput. CFCS-ip Atlantikup avannaani siunnersuisartuisa 1. oktober 2024 nal. 15-17 ataatsimiinnermi angerlarsimaffimmi najuuffigineqarsinnaasumi internetikkut aarlerinartut aamma aarlerinartoqartillugu aqutsineq naatsumik oqaluttuarissavaat, tamatumalu kingorna CFCS-ip pinnguaataanik ilinniarfiusumik Under Angreb-imik unammillernartumik oqaloqatigiinnermik ingerlatsiffiusumillu ingerlatissavaatsit.
Internetikkut paasissutissanillu isumannaallisaanermut tunngasunik pisariaqartitatit pillugit oqaloqateqarusukkuit aamma nammineerlutit siunnersorneqarnissamut periarfissat misissuataarukkit, taava nordatlanten@cfcs.dk aqqutigalugu CFCS-imi siunnersortimik ataatsimeeqateqarnissamut inniminniisinnaavutit imaluunniit ataatsimiinnissamut sukumiinerusumik isumaqatigiissuteqarsinnaavutit.
Ataatsimiinneq pissaaq GE-mi, Jens Kreutzmannip Aqq. 3, 3900 Nuuk. Ataatsimiinneq qallunaatut ingerlanneqassaaq oqallissutigineqassallunilu. Teams aqqutigalugu peqataasoqarsinnaanngilaq.
Peqataanissaq akeqanngilaq, kisiannili ajornannginnerulersinniarlugu kingusinnerpaamik septembarip 21-at sioqqullugu siunnersortitsinnut Eva Jørgensenimut evaj@ga.gl-imut ilaarusuttunut nalunaartoqarnissaa kissaatigaarput.