04/08/2022
Siunissami aalisarneq
Aalisarneq tassaavoq inuussutissarsiutitta annersaat nunattalu aningaasaqarnerata sukarsuisa nappataat. Taamaattumik pin...
Pikkorissarnermi innaallagissamut sakkortuumut malittarisassanit (Stærkstrømsbekendtgørelsen, afsnit 6) Kalaallit Nunaanni innaallagissamut ikkussuinermi malittarisassanut nutaanut ikaarsaariarneq pillugu ilisimasaqarnerulertoqassaaq. Malittarisassat Namminersorlutik Oqartussat nalunaarutaat nr. 21, innaallagissamut ikkussuinerit isumannaatsuunissaat pillugit, kiisalu DS/HD 60364-imi standardit katersat tunngavigalugit suliarineqarput. Kalaallit Nunaanni taakku Håndbog 200-imiipput.
Peqataasussat:
Innaallagissamut ikkussuisartut (elinstallatørit) kiisalu ingeniørit siunnersortit, innaallagissamut ikkussuinermi malittarisassanik suliaqartut.
Pikkorissarnermi pissarsiarineqartussatut naatsorsuutigineqartut:
Kalaallit Nunaanni innaallagissamut ikkussuinermi malittarisassat aaqqissuussaanerannik ilisimasaqarlualernissaq. Namminersorlutik Oqartussat nalunaarutaat nr. 21, nr. 27 aamma nr. 28 kiisalu DS/HD 60364-ip Kalaallit Nunaannut immikkut atuuttussanngorlugu suliarineqarsimasup (Håndbog 200) imarisai pillugit ilisimasaqalernissaq.
Imarisai:
Inatsisartut peqqussutaat nr. 12.
Namminersorlutik Oqartussat nalunaarutaat nr. 21, innaallagissamut ikkussuinerit suliarineqarneranni ingerlanneqarnerannilu isumannaallisaaneq pillugu.
Namminersorlutik Oqartussat nalunaarutaat nr. 27, innaallagissamut ikkussuinermik suliaqarnissamut akuersissutit kiisalu suliffeqarfiit ingerlatsinerat pillugit.
Namminersorlutik Oqartussat nalunaarutaat nr. 28, innaallagissamut ikkussuinermik suliaqarnissamut akuersissummik pigisaqartut pitsaassutsimik qulakkeerinnittarnermut aaqqissuussineri pillugit.
DS/HD 60364-ip Kalaallit Nunaanni atuuttussatut immikkut suliarineqarsimanera (Håndbog 200).
Pikkorissarnermi DS/HD 60364-imi malittarisassat ineriartornerat, innaallagissamik attorneqarnermi sarfamit eqqorneqarnissamut illersuinissamut malittarisassat, illuni potentialinik naligiissaarineq, ledningit aaqqissuussaanerisa toqqarneqarnerat ikkussorneqarnerallu, ledningit sarfamik annertoorujussuarmik aqqusaartoqarneranut illersorneqarnerat, sarfami spændingimilu harmoniskiusumik allanngorarnerit (THDI aamma THDU), sarfap aniasarnera (lækstrøm), innaallagissamut agguaassiviit (eltavlit) ikkussorneqarnerat, eltavlit allanngortiterneqarnerat, katersortarfittut atorneqartuni innaallagissamut ikkussuinerit, sanaartorfissani innaallagissamut ikkussuinerit, napparsimmavinni innaallagissamut ikkussuinerit, maskiinanut innaallagissamut ikkussuinerit kiisalu ikkussuinerit malittarisassanut naapertuunnersut uppernarsarneqarnerat (misissuineq, misilittaanneq nalunaarusiornerlu) pillugit ilinniartitsisoqassaaq.
Pikkorissaasoq:
Jørn Jørgensen innaallagissamut ikkussuisartutut (elinstallatøritut) ilinniarsimasuuvoq. 1990-imiilli innaallagissamut tunngasunik inatsisit malittarisassallu pillugit ilinniartitsisarsimavoq, 2004-miillu Kalaallit Nunaanni innaallagisserisartunik innaallagissamullu ikkussuisartunik arlaleriarluni ilinniartitsisarsimalluni. Kingullermik 2025-mi Nuummi napparsimmavimmi ilinniartitsisimavoq. Kalaallit Nunaanni Stærkstrømsbekendtgørelsen SB 6-imiit ullumikkut atuuttunut malittarisassanut ikaarsaariarneq malinnaavigisimavaa. Jørn 1995-imiilli nuna tamakkerlugu ataatsimiititaliani S 544-mi aamma S 564-imi ilaasortaasimavoq. 2002-mi suliffeqarfik El-konsulenterne pilersippaa, taamanimiillu namminersortutut siunnersortitut sulisimalluni.
Sivisussusia
Pikkorissarneq ulluni pingasuni ingerlanneqassaaq – 8.–10. decembari 2026.
Akia
Pikkorissarneq peqataasussat ikinnerpaamik 16-iuppata ingerlanneqassaaq.
Ilaasortaanngitsut: 5.500,00 kr.
Ilaasortat: 4.500,00 kr.
Peqataaniarluni nalunaarnissamut killigititaq: 20. november 2026 Nuup avataaniittunut aamma 27 november 2026 Numminngaannersunut
Sumiiffik: Hotel Hans Egede
Nlunaarfissaq: kristiansen@ga.gl
