{"id":9326,"date":"2022-10-27T11:48:54","date_gmt":"2022-10-27T09:48:54","guid":{"rendered":"http:\/\/sulisitsisut.gl\/nyheder\/qaammammi-suliffik-4\/"},"modified":"2022-10-27T11:48:54","modified_gmt":"2022-10-27T09:48:54","slug":"qaammammi-suliffik-4","status":"publish","type":"nyheder","link":"https:\/\/sulisitsisut.gl\/kl\/nyheder\/qaammammi-suliffik-4\/","title":{"rendered":"QAAMMAMMI SULIFFIK"},"content":{"rendered":"<div class=\"wp-block-post-date\"><time datetime=\"2022-10-27T11:48:54+02:00\">27\/10\/2022<\/time><\/div>\n<div style=\"height:30px\" aria-hidden=\"true\" class=\"wp-block-spacer\"><\/div>\n\n<p>Suliffeqarfimmut allamik isumassarsiffissamik ilinniarfigisinnaasamillu tusassalluni, &#8216;allat qanoq iliortarpat&#8217;. Taanna atuuppoq aqutsisunut, ingerlatsinermut, ineriartornermut aamma maannakkut apeqqutinut allanut tunngatillugu. Nunatsinni angisuumi akulikitsumik naapinissaq ajornaatsuinnaaneq ajorpoq. Kisianni aamma Sulisitsisut ilaasortaasa ilisimasassanik avitsinissaq nuannarisarpaat.<\/p>\n\n<p>Taamaattumik Sulisitsisut qaammatit tamaasa taanna pillugu oqaluttuartarput, taasakkatsinnik &#8216;qaammatip suliffeqarfia&#8217;. Suliffeqarfiit ukkatarisarpagut, immikkut ittumik sumiiffinni avatangiisiminnik aamma atuilluartuusumik, naligiissittaanermik, allanngorartumik, ilinniartitaanermik, assigiinngisitaartumik, ilinniartitaanermik, pilersitsinermik imaluunniit immikkut illuinnartunik pitsaasunillu angusaqarsimasunik.<\/p>\n\n<p>Isumassarsiaqarsimaguit, suliffeqarfik siunissami sorleq qaamatip suliffeqarfiatut taaneqarsinnaasumik, taava uagutsinnut allanniarina.<\/p>\n\n<p>Uani qaammammi Hotel Nordbo oqaluussimavarput.<\/p>\n\n<p><strong>Unnuisarfinnik inissianik 10-inik aallarniuteqarsimavoq \u2013 ullumikkut 73-iupput.<\/strong><\/p>\n\n<p>Ungasippallaanngitsukkut Hotel Nordbo-p katiffissiorluni ukiut 20-inngorlugit nalliuttorsiussaaq. 1998-imi aallartissimavoq, Leif Aagaard Allan Bo Jensen-ilu nalaatsornerinnarmik naapimmata. Ikinngutigiinngortut taakku marluk Nuummi Vands\u00f8vejemi illusisimapput. Unnuinarfinnik inissianik 10-inik sanatitsisimapput, aamma ullumikkut aallerlerinerit kingorna 73-inngorsimapput. Kisianni pilersaarutaanngilaq, ineriartortitsineq pitsaasoq unitsinneqassasoq \u2013 akerlerluinnaanilli piniarput.<\/p>\n\n<p>Ullumikkut Hotel Nordbo unnuisarfinnik inissiaateqarpoq neriniartarfiuteqarlunilu. Unnuisarfimmi arfineq marlunnik sulisoqarpoq, aamma neriniartarfimmi attartukkami arfineq pingasunik sulisoqarpoq. Ukiut 25-inngulersuni allilerinerillu kingorna, avaqqunneqanngitsoorsinnaanngilaq, Hotel Norbo peqqissumik ingerlalluarneqartumillu suliffeqarfiummat. Piginneqataasoq siulersuisunilu siulittaasuusoq Allan Bo Jensen oqaluttuarpoq, tamakkerlugu isiginninnermik qajannaatsumillu ingerlatsinertik pissasoq. Sulliffeqarfik maannakkut kisianni aamma siunissami.<\/p>\n\n<p>\u201dAtaqatigiilluartumik ineriartortitsisimavugut. Ineriartornerput peqatigitillugu imaalisimavoq, inggerlatsinerput ineriartorteqqissinnaanngorlugu. Aallartitsigaangatta, taava alloriaqqinnissaq tulleq piareersimaffigisarsimavarput,\u201d taama oqarpoq nangillunilu:<\/p>\n\n<p>\u201dUllumikkut angalariaasiusoq, aamma unnuisarfinnik naatsorsuuteqarneq annertuumik ukiuni tallimani arfineq pingasullu akornanni annertusisimavoq. Taamaattumik piareersimaffigiuassavarput, tikeraatut suna naatsorsuutigineqarsinnaasoq. Ullumikkut siunissamilu,\u201d Allan Bo Jensen oqarpoq.<\/p>\n\n<p>Ukiup ataatsip ingerlanerani Hotel Nordbo 16.000-itsit missiliorlugit unnuisoqartarpoq. Unnuisarnerit amerlanerpaat ullumikkut, Hotel Nordbo-p nammineq taasarpai inuutissarsiortutut unnuisarnerit. Imaalluarsinnaavoq, siunissamik allanngoratarsinnaasoq. Maannakkut Hotel Nordbo-p takusinnaanngoreerpaa 8-10 procentit akornanni takornarissat innimiisarnerat qaffagiartortoq.<\/p>\n\n<p>\u201dSiusinnerusukkut annertuumik ukkatarisimavarput, uagut unnuisarfittut inissiaatigut imminut pilersortuusinnaasut. Inuussutissarsiutitik pillugi angalasut iluaqutigisarpaat. Imaassinnaavoq, siunissami allanngortoq. Mittarfiit pingasut nutaat, ingammik Nuummi, isumalluarfigaagut, suli qaffagiartussasut,\u201d tamatut oqarpoq pingaarutaalu naqissuserlugu, tamakkerlugu isiginninneq politiikerit tungaanniit atuussimqasoq.<\/p>\n\n<p>\u201dMittarfiit nutaat ajunngilluinnartup tungaanut alloriarnerupput. Nuannaarutigaarput, tamakkerlugu isiginnissinnaasimaneq aamma taamaasillunik takornariaqartitsineq ikorfartorpaat.\u201d<\/p>\n\n<p><strong>Takornariaqarneq atuilluartuunermik tunngaveqassaaq.<\/strong><\/p>\n\n<p>Takornariaqarnerup qaffannera soorunami Hotel Nordbo-mut ajunngitsuuvoq. Kisianni peqatigitillugu pingaaruteqarpoq, takornariaqarneq aqunneqarsinnaanngitsumik ingerlalernissaa. Isumagisariaqarparput, takornariaqarnerup atuilluartuusumik ingerlanneqarnissaa, taamak oqaluttuarpoq Allan Bo Jensen. Tamatuma malitsigaa, tikeraat amerlavallaannginnissaat, soorlu Hotel Nordbo-tut ittut malinnaasinnaajunnaartillugit. Peqatigitillugu imatut malitseqassaaq, pinngortitarput kusanartoq immikkuullarissorlu illersorneqassammat.<\/p>\n\n<p>\u201dKalaallit Nunaat amerlasoorpassuarnik neqeroorutissaqarpoq. Pingortitaq kusanangaartoq kulturerpullu immikkuullarissoq. Maannakkorpiarlu siunissaq pisanganangaartoq takusinnaavarput. Peqataaffigissavarput siunissarput ineriartortsitsivigissallugu \u2013 qilanaarivarpullu. Kisianni isumagisariaqarparput, takornariartitsineq atuilluartuusumik ineriartortissagatsigu, ajalusoortitaaqinagatta,\u201d taama oqarpoq nangillunilu:<\/p>\n\n<p>\u201d Hotel Nordbo Kalaallit Nunaata ilusilerpaa, aamma taamaattuaannassaaq. Anguniartuaannarput tikeraartigut piviusorpaluttumik pitsaasumillu misigisaqartartinnissaat. Tassanilu aamma ineriartortuaannassaagut,\u201d oqarpoq Allan Bo Jensen.<\/p>\n\n<p><strong>Angalaneq tupinnarluinnartoq<\/strong><\/p>\n\n<p>Allan Bo Jensen aperigaanni, suna Hotel Nordbo-mik piginneqataasutut ukiut 25-it ingerlaneranni eqqaamanerpaaneraa, nalornissuteqanngivippoq.<\/p>\n\n<p>\u201dAngalaneq tupinnarluinnartuusimavoq. Kisianni kingumut eqqarsaatigiuaannassavara, angalaneq aallartimmat. Eqqarsaatigigaanni, unnuisarfittut inissiat 10-t aallartissutigigatsigit ullumikkullu 73-iuteqarluta,\u201d oqarpoq Allan Bo Jensen qungujulluni nangillunilu:<\/p>\n\n<p>\u201d Kingumut eqqarsaraangama, taava inuussutissarsiutinik ingerlataqartut inuit, piffissap ingerlanerani ineqartissimasagut. Amerlasuut angerlarsimaffitsik sivisuumik qimaqqasarpaat, aamma nuannerluinnartarpoq angerlarsimaffittut ittumik unnuisarfittitut inissiamik najugaqartissallugit,\u201d oqarpoq Allan Bo Jensen.<\/p>\n\n<p><strong>Ukiut 50-inut katiffissiornerput killeqassava? <\/strong><\/p>\n\n<p>Ukiut 25-inngortorsiorlugit suliffeqarfittut ingerlasimagaanni, taava apeqqutissaqqissoq tassaavoq, aamma ukiut 50-inngorlugit katiffissiussanerluta. Apeqqummut tassunga akissutaasoq tassaavoq aap aamma naamik.<\/p>\n\n<p>\u201dAap, neriuutigaara, ullut ilaanni 50-iliilluni katiffissiorneq nalliuttorsiutigineqarumaartoq. Kisianni Hotel Nordbo-innarmut nallittorsiutigineqassagunarpoq. Ukiut 25-it ingerlateqqikkusunnaraluarpoq, kisianni kuisinnermi allagartatta akerlilerpaatigut,\u201d illaatigaluni Allan Bo Jensen naggasiivoq.<\/p>\n","protected":false},"featured_media":9325,"template":"","kategorier_nyheder":[],"class_list":["post-9326","nyheder","type-nyheder","status-publish","has-post-thumbnail","hentry"],"acf":[],"_links":{"self":[{"href":"https:\/\/sulisitsisut.gl\/kl\/wp-json\/wp\/v2\/nyheder\/9326","targetHints":{"allow":["GET"]}}],"collection":[{"href":"https:\/\/sulisitsisut.gl\/kl\/wp-json\/wp\/v2\/nyheder"}],"about":[{"href":"https:\/\/sulisitsisut.gl\/kl\/wp-json\/wp\/v2\/types\/nyheder"}],"wp:featuredmedia":[{"embeddable":true,"href":"https:\/\/sulisitsisut.gl\/kl\/wp-json\/wp\/v2\/media\/9325"}],"wp:attachment":[{"href":"https:\/\/sulisitsisut.gl\/kl\/wp-json\/wp\/v2\/media?parent=9326"}],"wp:term":[{"taxonomy":"kategorier_nyheder","embeddable":true,"href":"https:\/\/sulisitsisut.gl\/kl\/wp-json\/wp\/v2\/kategorier_nyheder?post=9326"}],"curies":[{"name":"wp","href":"https:\/\/api.w.org\/{rel}","templated":true}]}}