{"id":18366,"date":"2026-04-23T16:47:08","date_gmt":"2026-04-23T14:47:08","guid":{"rendered":"https:\/\/sulisitsisut.gl\/nyheder\/sulisitsisut-sisimiunilu-immikkoortortaqarfiata-skills-2026-mi-kalaallit-peqataatinnissaannik-tapersersuipput\/"},"modified":"2026-04-23T16:47:08","modified_gmt":"2026-04-23T14:47:08","slug":"sulisitsisut-sisimiunilu-immikkoortortaqarfiata-skills-2026-mi-kalaallit-peqataatinnissaannik-tapersersuipput","status":"publish","type":"nyheder","link":"https:\/\/sulisitsisut.gl\/kl\/nyheder\/sulisitsisut-sisimiunilu-immikkoortortaqarfiata-skills-2026-mi-kalaallit-peqataatinnissaannik-tapersersuipput\/","title":{"rendered":"Sulisitsisut Sisimiunilu immikkoortortaqarfiata Skills 2026-mi kalaallit peqataatinnissaannik tapersersuipput"},"content":{"rendered":"\n<p>Sulisitsisut aammalu Sulisitsisut Sisimiuni immikkoortortaqarfiata suleqatigiillutik Skills 2026-mi, Hj\u00f8rringimi apriilip 22.-25. 2026 ingerlanneqartussami, kalaallit peqataatinnissaannik tapersersuipput. Siunertaq tassaavoq kalaallit ilinniarsimasuunerisa, sanaluttartutut piginnaasaasa inuussutissarsiornermilu kulturiata takussutissinneqarnissaa kiisalu inuusuttunik inuussutissarsiutinut ilinniartitaanernut soqutiginnilersitsineq.<\/p>\n\n<p>DM i Skills tassaavoq Danmarkimi inuussutissarsiutinut ilinniartitaanerni inuusuttut akornanni unammisitsineq, peqataasullu 300-t missaanniittut kiisalu tikeraartut tusindilikkaanik peqataaffigineqartartoq. COVID-19 kingorna siullerpaamik KTI Sisimiut Skills-imi pisortatigoortumik peqataaqqissaaq. KTI Hj\u00f8rringimi inuussutissarsiutinut ilinniarfimmut ikinngutigiittut atuarfeqarpoq, tamannalu kalaallit peqataatinnissaannut tunngavissatsialaavoq.<\/p>\n\n<p><strong>Kalaallit workshoppertitsissapput \u2013 unammisitsineq pinnagu<\/strong><\/p>\n\n<p>Kalaallit 2026-mi peqataatinneqarnissaat ilisimasaqarnerup avitseqatigiinneranut ingerlatitseqqinnernullu ukkatarineqassaaq, unammisitsinermut pinnani. Naalakkersuisut Ilinniartitaanermut Naalakkersuisoqarfiata 500.000 kr.-inik tapiissuteqarneratigut inuit 17-it Kalaallit Nunaanniit Hj\u00f8rringimut angalassapput. Ilaatigut peqataasussat tassaapput:<\/p>\n\n<ul class=\"wp-block-list\">\n<li>KTI Sisimiuni ilinniartut<\/li>\n\n\n\n<li>Nuummi Servicekolen-imilu ilinniartut<\/li>\n\n\n\n<li>Royal Arctic Line-meersoq peqataasoq ataaseq<\/li>\n<\/ul>\n\n<p>Kalaallit peqataasut inuusuttunut qallunaat sanaluttartunut workshoppertitsissapput. Tassani ilaatigut arktiskimi sanaartorneq, atortussat, periutsit kiisalu sanasut qalipaasullu suliassaqarfiini ingerlatsineq pillugu ilisimasaminnik avitseqatiginnissapput.<\/p>\n\n<p><strong>Inuussutissarsiornermik aallartitsineq kulturilu Skills-imi ilaassapput<\/strong><\/p>\n\n<p>Ilinniartut ilinniartitsisullu saniatigut aamma Sisimiuneersoq inuusuttoq sanasoq namminersorluni suliffeqarfimmik aallartitsisoq peqataassaaq. Taanna Kalaallit Nunaanni inuusuttutut sanasutut suliffeqarfimmillu aallartitsisutut misilittakkaminik avitseqatiginnissaaq.<\/p>\n\n<p>Aamma inuusuttunik piniartunik marlunnik peqataasoqassaaq, Skills-ip ingerlanerani kalaallit qajaannik sumiiffimmi sanassapput. Taamaalilluni sanalunneq, inuussutissarsiornermik aallartitsineq kulturiilu ataatsimut oqaluttuarineqassapput, kalaallit piginnaasaannik takutitsisumik.<\/p>\n\n<p><strong>Sulisitsisut tapersersuisut<\/strong><\/p>\n\n<p>KTI Sisimiut aamma Uagut ataatsimoorlutik Skills-imi saqqummersitsivimmi peqataassapput. Sulisitsisut Sisimiunilu immikkoortortaqarfiat suliniummut tapersersuisinnaanertik atorlugu peqataatinneqarnissaq pitsaanerpaamik atugassaqartinneqarnissaat kissaatigaat. Sulisitsisut Sisimiuni immikkoortortaqarfiata siulittaasua, Maannguaq Philip Lauritzen, oqarpoq: \u201cSulisitsisut tapersersuineratigut najukkani piukkunnartunik nutaanik tapersersuinissamut peqataarusuppugut. Uagutsinnut pingaaruteqarpoq sanaluttartutut kinguaariit piukkunnartut ineriartortinnissaat, taamaalilluni Kalaallit Nunaanni inuussutissarsiorneq nukittunerusumik ingerlaqqissinnaassammat.\u201d<\/p>\n\n<p>Tamatuma saniatigut Skills-imi \u201cSuleqat pisinnaasoq \/ Kollega med vilje\u201d pillugu suliniut takussutissinneqarnissaa sulissutigineqassaaq, tikeraartullu oqaloqatigineqassapput. Skills inuussutissarsiutinut ilinniartitaanernut, suliffeqarnermut attuumassuteqarnermut kiisalu inunnik isumaginninnermut tunngatillugu pingaarutilimmik takutitsivittut isigineqarpoq.<\/p>\n\n<p>Sulisitsisut ilinniarsimasunik sulisoqarnerup annertusarneqarnissaanut kiisalu kalaallit sanaluttartut inuussutissarsiortullu ilisimaneqarnerulernissaannut pingaarutilimmik alloriarnertut isigaat \u2013 Kalaallit Nunaanni nunanilu allani.<\/p>\n","protected":false},"featured_media":18364,"template":"","kategorier_nyheder":[91],"class_list":["post-18366","nyheder","type-nyheder","status-publish","has-post-thumbnail","hentry","kategorier_nyheder-91"],"acf":[],"_links":{"self":[{"href":"https:\/\/sulisitsisut.gl\/kl\/wp-json\/wp\/v2\/nyheder\/18366","targetHints":{"allow":["GET"]}}],"collection":[{"href":"https:\/\/sulisitsisut.gl\/kl\/wp-json\/wp\/v2\/nyheder"}],"about":[{"href":"https:\/\/sulisitsisut.gl\/kl\/wp-json\/wp\/v2\/types\/nyheder"}],"wp:featuredmedia":[{"embeddable":true,"href":"https:\/\/sulisitsisut.gl\/kl\/wp-json\/wp\/v2\/media\/18364"}],"wp:attachment":[{"href":"https:\/\/sulisitsisut.gl\/kl\/wp-json\/wp\/v2\/media?parent=18366"}],"wp:term":[{"taxonomy":"kategorier_nyheder","embeddable":true,"href":"https:\/\/sulisitsisut.gl\/kl\/wp-json\/wp\/v2\/kategorier_nyheder?post=18366"}],"curies":[{"name":"wp","href":"https:\/\/api.w.org\/{rel}","templated":true}]}}