{"id":18301,"date":"2026-04-10T16:05:57","date_gmt":"2026-04-10T14:05:57","guid":{"rendered":"https:\/\/sulisitsisut.gl\/nyheder\/siunissami-mittarfiit-ilusilersorneqarnerat-aaqqinneqartussaq-pingaarutilik\/"},"modified":"2026-04-10T16:05:57","modified_gmt":"2026-04-10T14:05:57","slug":"siunissami-mittarfiit-ilusilersorneqarnerat-aaqqinneqartussaq-pingaarutilik","status":"publish","type":"nyheder","link":"https:\/\/sulisitsisut.gl\/kl\/nyheder\/siunissami-mittarfiit-ilusilersorneqarnerat-aaqqinneqartussaq-pingaarutilik\/","title":{"rendered":"Siunissami mittarfiit ilusilersorneqarnerat \u2014 aaqqinneqartussaq pingaarutilik!"},"content":{"rendered":"\n

Qaqortumi mittarfik apriilip 16-ani ammarpat, illoqarfiup orniginartuuneranut inuussutissarsiornermullu nutaamik alloriarnerussaaq, aammali ilusilersuinermik suliniuteqarnerujussuup naammassineqarneranik ersersitsilluni. Arctic Import Greenland Airports qanimut suleqatigalugu nunatsinni mittarfiit nutaat pingasut \u2013 Nuummiit maanna Qaqortumut kingusinnerusukkullu Ilulissanut \u2013 pequtsersorlugillu ilusilersorsimavai. Sulisitsisut Arctic Import oqaloqatigaat, Issittumi avatangiisini mittarfiit nutaaliaasut qanoq ilusilersorneqartarnissaat pillugu.<\/p>\n\n

Sulisitsisut: Kalaallit Nunaanni mittarfiit ilusilersorneqarnerannut peqataaneq ilissinnut qanoq isumaqarpa?<\/strong><\/p>\n\n

Jan Rasmussen, Arctic Importimi tuniniaanermut pisortaq:\u201cTamanna akisussaaffiuvoq immikkorluinnaq ittoq. Mittarfiit sanaartukkat pisariusuupput, tassani atorluarneqarsinnaaneq, isumannaatsuunissaq, ingerlatsineq kiisalu ilaasut misigisaat ataatsimut ataqatigiissinneqartariaqarlutik. Tamatuma saniatigut Kalaallit Nunaanni mittarfiit immikkut ittunik sinaakkuserneqarsimapput \u2013 nunap immikkoortui silallu pissusaat eqqarsaatigalugit. Siunissami nunatsinni angallannermut qitiusumik inissisimaffinnik pilersitseqataanerput tulluusimaarutigaarput, aammalu tamanna maniguulluta suliaraarput.\u201d<\/p>\n\n

Sulisitsisut: Suliniut Nuummi aallartippoq Ilulissanilu Qaqortumilu ingerlaqqilluni. Suna unammillernarnerpaasimava?<\/strong><\/p>\n\n

Jan Rasmussen:\u201cPiffissaq eqqorlugu naammassinnissinnaaneq aalajangiisuusimavoq. Mittarfik atorneqaleraangat suliassat pisariunerulertarput. Atortut tamarmik isumannaallisaanikkut misissorneqartariaqarput, aammalu isernissamut immikkut akuersissuteqartoqartariaqartarluni. Taamaattumik pingaarnerpaavoq ammartinnagu sapinngisamik amerlanerpaat naammassineqarnissaat. Tamanna angujumallugu pilersaarusiorluarneq kiisalu sanaartortitsisut, titartaasut sanaartugassanillu suliaqartut qanimut suleqatigineqarnissaat pisariaqarpoq.\u201d<\/p>\n\n

Sulisitsisut: Arctic Importip suut tunniussimavai? \n \n<\/strong><\/p>\n\n

Kasper Lykkegaard Andersen, Arctic Importimi siunnersorti: \u201cSuliffinnut inissat ataatsimiittarfiillu, kiffartuussivinnut toqqorsivinnullu atortulersuutit kiisalu isumannaallisaanermut atortut pilersippavut. Taakku saniatigut tamanut ammasut, loungeqarfiit, meeqqanut pinnguartarfiit, tikittarfissat, napparsimasunut ininut kiisalu meeqqanut ilagisartagaqanngitsunut immikkoortunut atortunik pilersueqataavugut. Tamanna ingerlatsinermut, isumannaallisaanermut kiisalu inuit pisariaqartitaannut tunngassuteqarpoq.\u201d<\/p>\n\n

Sulisitsisut: Misilittakkat suut pingaarnerpaatut tigullugit ingerlateqqissavisiuk?<\/strong><\/p>\n\n

Jan Rasmussen:\u201cNuummi ammaanersiorneq ilinniarfiuvoq pitsaasoq, tassani pisariaqartitat qanoq sukkatigisumik allanngorsinnaanerat takusinnaavarput. Ammaanerup tungaanut sulisut sisamat-tallimat ulloq unnuarlu sulipput, piareersarnissaq anguniarlugu. Ersarippoq inissat ilaanni pisariaqartitsineq annertusiartorsimasoq \u2013 assersuutigalugu caf\u00e9 mikivallaalersimavoq, taamaattumillu sassaallertarfiit allilerneqarnerannut peqataavugut. Tamanna takutippaa pingaaruteqartoq aallartinnermiilli naleqqussarsinnaaneq eqqarsaatigissallugu.\u201d<\/p>\n\n

Sulisitsisut: Suleqatigiinneq qanoq aaqqissuunneqarsimava?<\/strong><\/p>\n\n

\u201cSuliniut Greenland Airportsip suliniutinik ingerlatsivianik, Ilulissani Qaqortumilu sanaartornermik suliaqartunik KJ Greenlandimik kiisalu Nuummi TNT Arkitekterinik qanimut suleqateqarluni ingerlanneqarpoq. Jan uagutsinni akisussaanerpaavoq, naammassinissaalu tikillugu suleqatigiippugut.\u201d<\/p>\n\n

Sulisitsisut: Qaqortumi ammaanersiorneq eqqarsaatigalugu suna qilanaaraasiuk?<\/strong><\/p>\n\n

Jan Rasmussen:\u201cQaqortumi mittarfik pingaaruteqarpoq \u2013 illoqarfimmut kisimi pinnani, Kujataanut tamarmut. Qilanaaraarput mittarfiup atorneqalernissaa, aammalu pisariaqartitat nutaat takkukkaangata malinnaaffigissallugit. Misilittakkat <\/strong>takutippaat ineriartorneq sukkasuumik ingerlasoq, tamatumunngalu peqataanissarput piareersimaffigaarput.\u201d<\/p>\n\n

Sulisitsisut peqatigiiffiata ilaasortani tamaasa pilluaqquai Qaqortumi mittarfiup apriilip 16-ani 2026-mi ammarnissaanut atatillugu. Tamanna Kalaallit Nunaanni attaveqaatit ineriartortinneqarneranni alloriarneruvoq pingaarutilik, aammalu nunami tamarmi mittarfinnik nutaaliaasunik, atorneqarsinnaasunik siunissamullu piujuartitsisumik pilersitsinissamut pingaaruteqartuuvoq \u2013 innuttaasut, tikeraat kiisalu inuussutissarsiortut iluaqutigisinnaasaannik.<\/p>\n","protected":false},"featured_media":18295,"template":"","kategorier_nyheder":[91],"class_list":["post-18301","nyheder","type-nyheder","status-publish","has-post-thumbnail","hentry","kategorier_nyheder-91"],"acf":[],"_links":{"self":[{"href":"https:\/\/sulisitsisut.gl\/kl\/wp-json\/wp\/v2\/nyheder\/18301","targetHints":{"allow":["GET"]}}],"collection":[{"href":"https:\/\/sulisitsisut.gl\/kl\/wp-json\/wp\/v2\/nyheder"}],"about":[{"href":"https:\/\/sulisitsisut.gl\/kl\/wp-json\/wp\/v2\/types\/nyheder"}],"wp:featuredmedia":[{"embeddable":true,"href":"https:\/\/sulisitsisut.gl\/kl\/wp-json\/wp\/v2\/media\/18295"}],"wp:attachment":[{"href":"https:\/\/sulisitsisut.gl\/kl\/wp-json\/wp\/v2\/media?parent=18301"}],"wp:term":[{"taxonomy":"kategorier_nyheder","embeddable":true,"href":"https:\/\/sulisitsisut.gl\/kl\/wp-json\/wp\/v2\/kategorier_nyheder?post=18301"}],"curies":[{"name":"wp","href":"https:\/\/api.w.org\/{rel}","templated":true}]}}