INNARLUUTEQARNEQ ANNERTUUMIK PATAJAATSUMILLU TUNNGAVILIISINNAAVOQ<\/p>\n\n
Inuppassuit innarluutillit Danskit Nunaanni nunatsinnilu suliffeqanngillat. Soormitaavaana?<\/p>\n\n
Marlunngorneq 23. April <\/strong>GE\/Sulisitsisut Nossell & Co suleqatigalugu ataatsimiititsiniarpoq, Jacob Nossell nammineq innarluuteqartuusoq, misilittakkaminik saqqummiussissaaq aammalu innarluutillit inuutissarsiornermi qanoq peqataasinnaanerinik iluaqutaalluarsinnaanerinillu eqqartuissaaq.<\/p>\n\n Unamminartua tassaasarpoq, suliffeqarfiit aammalumi kattuffissuit innarluutilinnik atorfinititsinissamut piareersimajuaannarneq ajormata. Tamassumani nunatsinni aammalumi Danskit nunaanni innarluutilinnik atorfinitsitsisinnaanissamik piareersimanngittarnerujussuup, pisinnaassutsimikkut aammalu sulisinnaasutsimik pisinnaasalippassuit annaasarpaat. <\/p>\n\n Taamaasilluta suliffeqarfiit aammalumi kattuffiit patajaatsumik pisinnaanngorsarlugit ilinniartittariaqarpagut, assigiinngitsunik innarluutilinnik atorfinitsitsisinnaanngorlugit. Tamanna pitsanngorsaaneq suliffimmik eqaatsumik pilersitsinikkut ingerlanneqarsinnaavoq aammalumi tamatigoortunik avatangiiseqartitsinikkut aammalu inissaqartitsinikkut. <\/p>\n\n Eqaannerusumik ingerlatsilerneq suliffimmik sulinissamik inuunissamillu pitsaanerusumik angusaqarfiusinnaavoq, innarluuteqaraluaraanni innarluuteqanngikkaluaraanniluunniit. <\/p>\n\n Nossell & Co. <\/u>
\n
\nNossell & Co. tassaavoq siunnersuisarfiusoq, siunnersuisarnermini innarluutilinnut tunngasut assigiingitsut ukkatarai, annermik attaveqatigiittarnermut, sulianik aqqutsisarnermut, siunnersuinerit allat aammalu suleqatigisassanik attaveqaataasussanik pilersitsisarnermi.<\/p>\n\n Nossel & Co. immikkut ilisimasalinnik amerlasuunik qanimut suleqateqartarpoq, taakkunaniillutik siunnersuisartut, nittartakkanik piorsaanermik suliallit, Videoliortartut (VJ\u00b4s), assiliisartut, qarasaasiat atorlugit ilusilersuisartut, eqqumiitsuliortut aammalu attaveqaateqartarnermi siunnersuisartut, nittarsaassinermik suliallit aammalu politikkerit. Siunnersorlugit sullittagaat tassaapput, Googgle, Copenhagen International School, Danskit Nunaanni Innarluutillit Kattuffii, Innarluutilinnut ilisimasanik katersiffik allarpassuillu.<\/p>\n\n Una sulereernermi angerlannginnermi ataatsimiinnissaq<\/strong> nal. 15:30-17:00 akornani pisussaq aallartissaaq oqallissaarummik Peter Gr\u00e6sb\u00f8ll Holmimit\u00a0 Nossel & Co-mi attaveqaateqarnermut sulialimmit saqqummiinermik, taassumalu kingorna oqallinnerit ingerlanneqassapput, Sulisitsisuni pisortaaneq Christian Keldsen aqutsisuussaaq,
\n
\nAnja Hynne Nielsen, Innarluutillit illersuisoqarfianiit Tilioq-miit, Naasunnguaq Berthelsen, Sulisoqarnermut\u00a0 Pisiffimmi pisortaq aammalu Jacob Nossell, Nossell & Co-mik siunnersisarfiusumik piginnittuullunilu tunngaviliisoq.<\/p>\n\n Paasisariallit<\/u>
\n
\nAaqqissuussaq Sulisitsisuni\/-GE-mi, Jens Kreutzmannip Aqq. 3-miittumi, Nuummi ingerlanneqassaaq, tassanilu peqataasinnaasut amerlanerpaamik 25-iusinnaapput. Takkullutit peqataasinnaanngikkuit imaluunniit 25-it sinnerneqarsimappata, qarasaasiakkut Microsoft Teams atorlugu peqataasinnaanissamut periarfissaqarputit.<\/p>\n\n