{"id":12527,"date":"2023-12-22T18:38:52","date_gmt":"2023-12-22T17:38:52","guid":{"rendered":"http:\/\/sulisitsisut.gl\/nyheder\/qaammatip-suliffeqarfia-lasoe-a-s\/"},"modified":"2023-12-22T18:39:09","modified_gmt":"2023-12-22T17:39:09","slug":"qaammatip-suliffeqarfia-lasoe-a-s","status":"publish","type":"nyheder","link":"https:\/\/sulisitsisut.gl\/kl\/nyheder\/qaammatip-suliffeqarfia-lasoe-a-s\/","title":{"rendered":"Qaammatip suliffeqarfia: LAS\u00d8 A\/S"},"content":{"rendered":"\n<p>Suliffeqarfik Uummannami septembarip aallaqqaataa 1973 Harald Larsenimit Ole S\u00f8rensenimillu pilersinneqarpoq. Harald Larsenili 1980-ikkut \tqiterpaarnerisa nalaani tunuarsimavoq. 1991-imi Ole Upernavimmukarluni suliffeqarfimmik nutaamik aallartitsiartorsimavoq, suliffeqarfiillu taakkua marluk 2005-mimi kattunneqarsimallutik. LAS\u00d8 A\/S ukiut ingerlanerini ineriartungaatsiarsimavoq, naak ullumikkut sulisorisartagaat suliassaqarfiup nalaani 150-ioriarlutik 50-nnarnut appartaraluartut, sumiiffiup nalaani LAS\u00d8 A\/S suliffeqarfinni sunniuteqarnerpaat ilaanniippoq.<\/p>\n\n<p>Uummannap Upernaviullu nalaani silaannaap pissusaa immikkuullarissoq LAS\u00d8-mik ingerlatsiniarnermut piumasaqaatitaqarpoq. Piffissami aalajangersimasumi sulisariaqartarneq, silapiluttarnera attaveqaatillu killillit peqqutaallutik eqaatsumik ingerlatsisoqarnissaa anguniarlugu pilersaarusiorluartariaqartarsimapput. Tamanna isumaqarpoq suliffeqarfik unammilligassaminik naammassinnissinnaajumalluni immikkut ilisimasaqalersimasoq.<\/p>\n\n<p>Ukiut ingerlanerini LAS\u00d8-mit kiffartuussissutit annertusiartorsimapput. Siullermik sanaartornermut attuumassuteqartuunerusunik suliaqariarlutik, maannakkut aamma biililerineq, Upernavimmi pisiniarfeeraateqarneq kiisalu Uummannami inissianik attartortitsineq ingerlanneqarpoq. Suliffeqarfiup allanngorartuunissaa anguniarlugu assigiinngisitaartunik suliaqartariaqarsimapput, aningaasaqarnikkullu inissisimaffiit assigiinngitsut nalimmassarfigineqartariaqartarsimallutik.<\/p>\n\n<p>LAS\u00d8 A\/S-ip sumiiffimmut tunniusimasuunerat malunnaqaaq. Sumiiffinni najugaqartunik sulisoqarnissaq pingaartinneqarsimavoq saniatigulli Danmarkimit tikisitsisarlutik, sumiiffinneersunillu sulisoqarneratigut sumiiffinnut tapersersuinerat takuneqarsinnaavoq. Sumiiffinni aaqqissuussanut tunniuttagaat sumiiffinnilu oqalliffiusinnaasuni oqaatigisartagaasa takutiinnarpaa suliffeqarfik suliffeqarfiinnaanani sumiiffimmut tunniusimasuusoq.<\/p>\n\n<p>Avatangiisit eqqarsaatigalugit LAS\u00d8 A\/S-imi suliniutini piujuartitsineq ilaatinneqartuaannarpoq. Illuni sanaartugaanni nukissap atorluarnissaa aningaasaliiffigineqartarpoq, suliaqarnermilu avatangiisinut sunniutit eqqumaffigineqartarlutik.<\/p>\n\n<p>LAS\u00d8 A\/S-imi ilinniarneq sulisunillu ineriartortitsineq qitiutinneqarpoq. Sulisut piginnaanngorsarniartuarpagut taamaaliornikkut sanasoorusuttunik soqutiginnilersitsiniaaneq naqissuserniartarpagut. Sumiiffimmi suliassaqarfimmi pitsaassuseq qaffasissumiinniarpat ineriartortinniarneqartariaqarpallu tamakkua iliuuserineqartariaqarput.<\/p>\n\n<p>Siunissaq eqqarsaatigalugu LAS\u00d8 A\/S-imi ineriartornissaq alliartornissarlu eqqarsaatigineqarput. Niuerfik annertusarniarneqarpoq niuerfinnilu allaanerusuni suliaqarsinnaaneq eqqarsaatigineqarluni. Pissutsini unamminartuni suliaqarsinnaanerat nutarterinernillu suliaqartarnerat peqqutaalluni siunissami unammilligassanut piareersimapput.<\/p>\n\n<p>Suliffeqarfiup oqaluttuassartaa sulinerup iluani iluatsitsinerinnaanngilaq, kisiannili nunatta avannaani immikkuullarissumik inissisimanitsinnut paasinninnermik aamma takutitsivoq. LAS\u00d8 A\/S-ip takutippaa suliffeqarfik unamminartumiikkaluarluni eqaatsuuneq, nutaaliorsinnaaneq pissutsinullu nalimmassarneq aqqutigalugit qanoq ingerlalluartigisoqarsinnaasoq.<\/p>\n\n<p>LAS\u00d8 A\/S pilluaqqorujussuarparput. Suliffeqarfiup ukiuni tulliuttuni ineriartornissaata ingerlalluarnissaatalu malinnaaviginissaa qilanaaraarput.<\/p>\n","protected":false},"featured_media":9953,"template":"","kategorier_nyheder":[74],"class_list":["post-12527","nyheder","type-nyheder","status-publish","has-post-thumbnail","hentry","kategorier_nyheder-74"],"acf":[],"_links":{"self":[{"href":"https:\/\/sulisitsisut.gl\/kl\/wp-json\/wp\/v2\/nyheder\/12527","targetHints":{"allow":["GET"]}}],"collection":[{"href":"https:\/\/sulisitsisut.gl\/kl\/wp-json\/wp\/v2\/nyheder"}],"about":[{"href":"https:\/\/sulisitsisut.gl\/kl\/wp-json\/wp\/v2\/types\/nyheder"}],"wp:featuredmedia":[{"embeddable":true,"href":"https:\/\/sulisitsisut.gl\/kl\/wp-json\/wp\/v2\/media\/9953"}],"wp:attachment":[{"href":"https:\/\/sulisitsisut.gl\/kl\/wp-json\/wp\/v2\/media?parent=12527"}],"wp:term":[{"taxonomy":"kategorier_nyheder","embeddable":true,"href":"https:\/\/sulisitsisut.gl\/kl\/wp-json\/wp\/v2\/kategorier_nyheder?post=12527"}],"curies":[{"name":"wp","href":"https:\/\/api.w.org\/{rel}","templated":true}]}}